كنا عايشين مغمضين ,, في وهم ماشين نايمين
كل واحد همه نفسه ,عيلته و أهله .. و مش مهم المطحونين
إتخرجت ؟ إهرب بره
أهو تعيش حياتك مرة
سيبوني بقى أخدلي فرصة .
ألم فلوس ,وأجي أتجوزلي مزة
و هي دي كانت حياتنا
عيشة حلوة برة بيتنا
فجأة فوقنا من الأوهام
الحق طلع ,ظهر و بان
فجأة حسينا بالآلام
وطنا متباع من زمان
لمينا بعض , آن الآوان
نكشر أنيابنا على النظام
نرجع لبلدنا الأمان
و جالي أمل إني أبقى فيها إنسان
عدى علينا سنة و شهر هوا
و مجبناش حق اللي راح
منشفناش دم اللي ساح
و الأسعار لسة في الطالع .. و حياة المصري بقى من المباح
مهما تقتل .. مهما تسحل
راس المصري هتفضل فوق
إخطف , عذب , إضرب , موت
من أسوان لباب اللوق
إكذب , إخدع , إشتم , إهدم
عمرك ما تردم فينا الصوت
ثورة ثورة حتى النصر
لأ حرب حرب حتى النصر
والله لنروي أرض مصر
بدم و لحم , فداكي يا مصر
أحمر ... دم بيروي ارضك
أبيض ... جنة للي ماتلك
أسود ... هم للي حابسك
و النسر دا هنجيبه الأرض
حتى لو متنا فرد فرد
و مش يسقط يسقط حكم العسكر
لأ إعدم إعدم حكم العسكر
No comments:
Post a Comment