- كان في مره واحد لقى نفسه بالعافيه عايش ...
- أكله مجرد حته عيش مش كنافه و قطايف ...
- منظره وسخ و قذر , أو بمعنى أصح بائس ...
- ان حد يبوصله نظره احترام دا شيء فاكس ...
- محدش راضي يساعده لا في جوامع ولا في كنائس ..
- غضب شويه , زعل شويه , عيط لمده أيام ..
- بعدها قام و فاق , قال اللي كان كان ...
- أنا لازم اتحرك و اتغير , لازم ابص لقدام ...
- بص لنفسه و فكر , ايه اللي مفرقه عن ألوف .. ؟
- بعد فتره عرف الحل , الحل هو الفلوس ..
- جرب يشتغل مره و اتنين , تلاته و اربعه ..
- اكتشف ان حوار "الشغل مش عيب" دي حاجه أوباحه ..
- اتبهدل طلع عينه ... كل يوم إهانه ..
- جه اليوم اللي زهق فيه من كل حاجه في الحياه ..
- ملقاش حاجه حلوه في مقابل كل شقاه ..
- نفس النظره الواطيه المره ..... نفس المعامله الوسخه ...
- ماشي في يوم فاقد الأمل ...... مش طايق حياته , لا يحتمل
- لقى قدامه الشاب الكيكو
- راكن البورش مشغل تيمو
- جيبه هيطق من كتر فلوسه
- فجأه انفجرت فيه الغريزه
- فجأه بقى شايف قدامه فريسه
- دور في جيبه لقى سكينه
- ضرب فريسته ضربه عنيفه
- و طلع يجري و معاه الغنيمه
- و فجأه اتحسب واحد من البلطجيه
- بس يا تارا مين فيهم الضحية ؟؟؟
Friday, 5 August 2011
بلطجي ... أي كلام 3
Subscribe to:
Post Comments (Atom)
No comments:
Post a Comment